रौतहट । अषाढ ०३ गते
रौतहटको कटहरिया नगरपालिका ९ डुमरिया गाउँ छेउमा रहेको तरहारी झांझ नदिमा एकजना बेपत्ता भएको बालकको शव बरामद भएको छ । तिनजनाको समुहमा नुहाउन गएका मध्ये एकजना बालकलाई पानीले बगाउँदा बेपत्ता भएको थियो । नुहाउने क्रममा स्थानीय मुकेश पाश्वानको १० बर्षिय छोरा सुरज पाश्वान नदिमा बेपत्ता भएको ईलाका प्रहरी कार्यालय गरुडाका प्रमुख डिएसपी ज्ञानकुमार महतोले बताएका छन । संगै नुहाउन गएका तिनजना बालक मंगलबार दिउँसो झांझ नदिमा बेपत्ता भएका थिए । लगत्तै स्थानीय र प्रहरीको टोलिले २ जलालाई सकुशल उद्घार गरेको र बेपत्ता भएका एकजना सुरज पाश्वानको शव पनी आज बरामद गरिएको डिएसपी महतोले जानकारी दिएका छन । डुमरिया स्थित फुलवरिया घाट बाट आज बिहान शव बरामद गरिएको र पोष्टमार्टम का लागि अस्तापताल पठाईएको इप्रका कटहरिया का सइ सुरेन्द्र सिंहले जानकारी गराएका हुन् । पछिल्लो केही दिनदेखि वर्षा संगै नदि खोलामा पटकपटक बाढी समेत आउन सुरुभएको छ । विभिन्न स्थानीय तह द्वारा बिकास निर्माण गर्दा ठाउँ ठाउँमा खाल्डाखुल्डी भएकाले आआफ्नो बालबालिका लाई निगरानी गर्न र कुनै अप्रिय हुन नदिन जिल्ला प्रहरी कार्यालय रौतहटले एक सूचना जारी गर्दै जिल्ला बासिलाई आग्रह गरेको छ ।