आरके श्रीवास्तव । रौतहट । ३ अषाढ
रौतहटमा कोरोना भाइरस संक्रमित मध्ये झण्डै २५ प्रतिसतले जितेर घर फर्किसकेका छन । बुधवार सम्म रौतहटमा कोरोना भाईरस संक्रमितको संख्या १ हजार नाघेको छ ।
बुधबार मात्रै १ सय २५ जनामा कोरोना पोजेटिभ थपिए संगै रौतहटमा कोरोना भाईरस संक्रमितको संख्या एकहजार नाघेको हो । जिल्लो स्वास्थ्य कार्यालय रौतहटका प्रमुख महेश साहका अनुसार परोहामा २०जना,बौधीमाईमा ११ जना,देवाहीगोनाहीमा ८ जना,मौलापुर ३ जना लगायत एकसय २५ जना कोरोना भाईरसको नया संक्रमित थपिएका हुन ।
यो संगै रौतहटमा कोरोना संक्रमितको संख्या १ हजार ४६ पुगेको कार्यालय प्रमुख साहले बताए । सबै भन्दा बढी रौतहटको राजपुर नगरपालिकामा २ सय ६२ संक्रमित रहेका छन ।
जिल्लाभरीमा कोरोना भाईरस जितेर संक्रमित २ सय ४७ जना घर फर्किसकेका छन ।
रौतहटमा कोरोना भाईरस संक्रमितको अनुपातमा कोरोना जितेर घर फर्किनेको संख्या २५ प्रतिसतको हाराहारीमा रहेको छ ।