रौतहटको चन्द्रपुर नगरपालिका वाड नंं. २ पूर्व पश्चिम राजमार्ग पर्ने जंगलमा बिहिबार बिहान बस र अटोरिक्सा दुर्घटना हुँदा ३ जनाको मृत्यु भएको छ ।
काठमाडौंबाट सर्लाहीतर्फ जाँदै गरेको वाग्मती प्रदेश ०३–००१ ख २०१ नम्बरको बस र सर्लाहीबाट बिरगंज तर्फ आउँदै गरेको प्रदेश २–०२–००१ ह २१०९ नम्बरको अटो बिहान ५ बजे एक आपसमा ठक्कर खाएको इलाका प्रहरी कार्यालय चन्द्रनिगाहपुरका डिएसपी सन्तु जैसवारले जानकारी दिएका छन ।
दुर्घटनामा अटोमा सवार ४ जना मानिसहरु घाइते भएको र अस्पतालमा लगेपछि ३ जनालाई मृत घोषणा गरिएको डिएसपी जैसवारले जानकारी दिए । मृत्यु हुनेमा अटोमा सवार सर्लाही–२ सोल्टी बस्ने ढकबहादुर लुंगेली मगर, प्रेम ठाडा मगर र अटो चालक रवि मगर रहेको उनले बताए ।
उनीहरुलाई अस्पतालमा ल्याएपछि मृत घोषणा गरिएको हो । दुर्घटनामा घाइते भएकी ढकबहादुरकी श्रीमती सबिना लुंगेली मंगरको दुवै खुट्मा चोट लागेको छ । उनको थप उपचारको लागी बिरगंज न्युरो अस्पताल पठाइएको जैसवारले बताएका छन । बस चालक नियन्त्रणमा लिएर दुर्घटना’ अनुसन्धान थालेको उनले बताए ।