रौतहट । असोज १५ गते
रौतहटमा स्रोत नखुलेको नेपाली रूपैयाँ सहित एक जनालाई पक्राउ गरेको छ । आज दिउँसो करिब २ बजेर २५ मिनेटको समयमा दशगजा क्षेत्रबाट उक्त रकम सहित एक जनालाई पक्राउ गरिएको हो । जिल्लाको गौर नगरपालिका वडा नम्बर २ महादेवपट्टी स्थित दशगजा क्षेत्रमा भारतबाट नेपाल तर्फ आंउदै गरेको पैदल यात्री भारत जिल्ला सितामढी असोगी ५ बस्ने बर्ष २० को राजु कुमार कांहारलाई शंका लागि चेक जाँच गर्दा निजको साथबाट श्रोत नखुलेको नेपाली नगद रु.१५ लाख फेला परेको हो । पक्राउ परेका ब्यक्ति र रकम नियन्त्रणमा लिई आवश्यक कारवाहीको लागि जिल्ला प्रहरी कार्यालयमा ल्याई थप अनुसन्धान कार्य भईरहेको प्रहरीले जनाएको हो ।