रौतहट । साउन २६ गते
रौतहटको चर्चित बजार कटहरिया नगरपालिकामा ९ जनामा कोरोना संक्रमण पुष्टि भएको छ । गएको सोमबार राति आएको रिपोर्टमा कटहरिया नगरपालिकाका थप ९ जनामा कोरोन संक्रमण पुष्टि भएको हो । कटहरिया नगरपालिकाका जनप्रतिनिधि र स्थानीय गरी १९७ जनाको स्वाब संकलन भएकोमा २ महिला र ७ पुरुषमा संक्रमण भेटिएको नगरप्रमुख सियाराम कुशवाहाले जानकारी गराउनु भएको हो । दुइ जनामा संकास्पद रहेकोले पुनः चेकजाँच गरिने वहाँले बताउनु भयो । समुदाय स्तरमा कोरोना फैलदै गएकोले सचेत रहन सबै नगरवासीमा वहाँले आग्रह गर्नु भएको हो ।