हाथमा कालोपटि बाँधि जनमत पार्टी रौतहट द्धारा प्रदर्शन

रौतहट । आषाढ १५ गते
नागरिकता विधेयकको विरुद्धमा जनमत पार्टी रौतहटको विभिन्न पालिकाहरुमा हाथमा कालोपटि बाँधि प्रदर्शन गरेको छ । जनमत पार्टीको केन्द्रिय समीतीको आन्दोलन कार्यक्रम अनुसार देशभर विरोध प्रर्दशन गर्ने क्रममा आज रौतहटमा पनी प्रर्दशन गरिएको हो । जिल्लाको बौधिमाइ,फतुआ विजयपुर,गरुडा,गढिमाइ,बृन्दावन र दुर्गा भगवती गाँउपालिकामा जनमत पाटीले छुट्टा छुट्टै ¥याली प्रदर्शन गर्नुको साथै कोण सभा समेत गरेको थियो ।
कोण सभामा बोल्ने वक्ताहरुले कम्युनिष्ट सरकारद्वारा जारी नागरिकता बिधेयक खारेज गर्न माग गरे । सरकारले ७ बर्ष पछि मात्र बिदेशी बुहारीलाई नागरिकता दिने विधेयक ल्याएर सदियो देखीको भारत र नेपाल बिचको रोटी बेटीको सम्बन्ध बिग्रान खोजेको उनीहरुको आरोप थियो ।

प्रदर्शन सहभागिहरुले नागरिकता विधेयक खारेज गर, रंगभेद अन्त गर, जनमत पार्टी जिन्दावाद लगायतको नारा समेत लगाएका थिए । प्रदर्शनका क्रममा जनमत का नेताहरु विरेन्द्र साह,रागनी पाण्डे सहितका जिल्ला नेताहरुको सहभागिता रहेको पार्टीका जिल्ला सचिव विकास कुमार यादवले जानकारी गराएका हुन् ।