बिरामीको साटो यात्रु बोकेर भाडा कमाउने एम्बुलेन्स पक्राउ
बारा, बैशाख २९ गते । बिरामीको साटो यात्रु बोकेर भाडा कमाउने गरेको अवस्थामा एम्बुलेन्स पक्राउ परेका छन् । पक्राउ पर्नेमा बाराको बिश्रामपुर गाउँपालिका वडा नम्बर–२ निवासी २४ बर्षे राजन पटेल र सोही ठाउँ बस्ने २७ बर्षे अनिल पटेल रहेको बाराका प्रहरी नायब उपरीक्षक गौतम मिश्रले बताए । करोना भाईरसको प्रकोपको कारण मुलुकभरी लकडाउन भएको मौकाको फाईदा लिदै उनीहरुले अनटेष्ट एम्बुलेन्समा बिरामीको साटो यात्रु बोकेर ओसारपसार गरि रहेको सूचना आएपछि बैशाख २६ गते बारा प्रहरीले पक्राउ गरेको हो । यसरी पक्राउ परेका एम्बुलेन्स सहित ती दुबै जनालाई जिल्ला प्रशासन कार्यालय बारामा अभद्र व्यवहार मुद्दा दर्तागरि कारवाही स्वरुप अनिल पटेलसँग २८ हजार र राजन पटेलसँग ७ हजार धरौटी राखेर तारेखमा आईतबार साँझ छोडिएको प्रहरी नायब उपरीक्षक मिश्रले जानकारी दिए ।
