उदयपुरमा फेरि संक्रमित थपिए, कोरोना संक्रमितको संख्या ४२ पुग्यो
काठमाडौं , ९ बैशाख । उदयपुरबाट ल्याइएको नमुना परीक्षणको नतिजामा एक पछि अर्को गर्दै कोरोना भाइरसको संक्रमण पोजिटिभ देखिन थालिएको छ । आज एकैपटक ९ जनामा देखिएको संक्रमण बढेर थप २ जनामा समेत पुष्टि हुँदा कुल ११ पुगेको छ । योसहित नेपालमा कारोना संक्रमितको संख्या ४२ पुगेको छ । राष्ट्रिय जनस्वास्थ्य प्रयोगशाला टेकुमा गरिएको परीक्षणमा थप दुई जनामा संक्रमणको पुष्टि भएको हो । यस अघि आजै वीपी कोइराला स्वास्थ्य विज्ञान प्रतिष्ठानमा ८, राष्ट्रिय जनस्वास्थ्य प्रयोगशालामा ३ जनामा कोरोना संक्रमणको पुष्टि भएको हो ।
