रौतहट । साउन १० गते
इन्डियन प्रिमियर लिग (आईपीएल)को १३औं संस्करण असोज पहिलो सातादेखि युनाइटेड अरब इमिरेट्स (यूएई)मा सुरु हुने भएको छ । यसपटकको आईपीएल संयुक्त अरब इमिरेट्स (यूएई)को दुबई, आबुधावी र शारजाहमा हुनेछ ।
आईपीएल गभर्निङ काउन्सिलका अध्यक्ष बृजेश पटेलले आईपीएल २०२० मा असोज ३ देखि सुरु हुने बताएका छन् । पटेलका अनुसार फाइनल कात्तिक २३ वा २५ हुनेछ । आईपीएल देशबाहिर तेस्रोपटक हुन लागेको हो । यसअघि सन् २००९ मा आमनिर्वाचनको कारण पूरै संस्करण दक्षिण अफ्रिकामा भएको थियो । सन् २०१४ मा आमनिर्वाचनको कारण यूएईमा आईपीएलका २० खेल भएका थिए ।
आईसीसी बैठकले विश्वभर फैलिएको कोरोना भाइरस (कोभिड१९) को महामारीको कारण आगमी अक्टोबर नोभेम्बरमा अस्ट्रेलियामा हुने टी २० विश्वकप एक वर्षको लागि सरेको जनाएको थियो । त्यस्तै, यसअघि नै सेप्टेम्बरमा पाकिस्तानमा हुने तय भएको एसिया कप टी २० प्रतियोगिता पनि सरेसँगै आईपीएल गर्न बाटो खुलेको थियो । सभार राजधानी डेली
