आरके श्रीवास्तव रौतहट । आषाढ ०९ गते
रौतहटबाट लागु औषध गाँजा सहित एक जना पक्राउ परेका छन् । पक्राउ पर्नेमा जिल्लाकै चन्द्रपुर नगरपालिका वडा नं.१ पौराई बस्ने २२ वर्षीय उमेश राना मगर रहेका छन् । उनीबाट इलाका प्रहरी कार्यालय चन्द्रपुरको टोलीले चन्द्रनिगाहपुर सरकारी अस्पताल तर्फ जाने बाटोमा उनलाई चेकजाँच गर्ने क्रममा ९ किलो ३ सय गा्रम गाँजा सहित पक्राउ गरिएको छ । साथै लागुऔषध ओसारपोसारमा प्रयोग हुने बा ६४ प ७३८१ नम्बरको मोटरसाईकल पनि प्रहरीले नियन्त्रणमा लिएको छ ।
मोटरसाईकलको पछाडी रहेका व्यति प्रहरीलाई देख्नसाथ भागेको र बोकि राखेको झोलाबाट दुईवटा प्लाष्टिकको पोकामा गाँजा फेला परेको प्रहरीले जानकारी दिएको छ । घटना सम्बन्धमा अनुसन्धान भइरहेको इप्रका चन्द्रपुरले जनाएको छ ।