लकडाउनले रौतहट,बारा,पर्साका माछा किसान दोहरो मारमा
रौतहट, २ जेठ । रौतहट, बारा, पर्सा लगायतका जिल्लाहरुमा अहिले लकडाउनका कारण माछा कृषकहरु मर्कामा परेका छन् । किसानहरुले पालेको माछा बिक्री नहँुदा किसानहरु समस्यामा परेका हुन् । प्रहरी प्रशासन र स्थानीय निकाय विच तालमेल नहुँदा किसानहरु मर्कामा परेका बाराको महागढीमाई नगरपालिका वडा नम्बर–१० गंजभवानीपुरका माछा व्यवसायी गणेश प्रसाद गुप्ताले गुनासौ ब्यक्त गरे । माछा विक्री गर्ने बेला विक्री नभएपछि उल्टो दाना खुवाउनु पर्ने समस्यासँगै दाना पनि नपाउने अवस्थाले किसानहरु दोहोरो मारमा परेको बारा जिल्लाका अर्का माछा पालक किसान अजय पटेलले बताए । पटेलले परवानीपुर गाउँपालिका वडा नम्बर–५ मा रहेको १४ बिगहा क्षेत्रफलमा माछा पालन गर्नु भएको छ । प्रत्येक बर्ष बारामा १० हजार ३५ हेक्टर क्षेत्रफलमा माछापालन गरिदै आएको छ । प्रधानमन्त्री कृषि आधुनिकीकरण परियोजना माछा सुपरजोन लागु भएको क्षेत्रमा मात्रै ६३ करोड ७० लाख बराबरको ३ हजार १ सय ८५ मेट्रिक टन माछा उत्पादन हुने गरेको छ । जिल्लामा १० हजार ३५ मेट्रिक टन माछा उत्पादन हुन्छ । ३ हजार १ सय ८५ मेट्रिक टन माछा सुपरजोनको कमाण्ड क्षेत्रमा उत्पादन हुने गरेको तथा दुई हजार माछापालक किसान लाभान्वित हुने गरेका कृषि अधिकृत सहतराम मौर्यले बताए ।
