हेटौंडा–मकवानपुरमा रहेको कुलेखानी पावर हाउस इन्द्रसरोवर को ड्याम भरिन लागेकले तल्लो तटीय क्षेत्रका बासिन्दालाई सरक्षित स्थानमा सर्न आग्रह गरिएको छ । जिल्ला प्रशासन कार्यालय मकवानपुरले सूचना जारी गर्दै ड्याममा पानी भरिन लागेको भन्दै सुरक्षित रहन तल्लो तटीय क्षेत्रका बासिन्दालाई आग्रह गरेको हो ।
अहिले वर्षा रोकिए पनि चित्लाङ, बज्रबाराही क्षेत्रमा वर्षा जारी रहिरहेकाले खोला खहरे बढेर इन्द्रसरोबर भरिने क्रममा रहेको हो । कुलेखानीको पानी १५२६ मिटर हाइटमा पुगेको छ। ड्यामको क्षमता १५३० मिटर रहेको छ। प्रतिघन्टा १ मिटरको दरले पानीको सतह बढिरहेको प्रशासनले जनाएको छ। केही समयमो कुलेखानीको ड्याम खोलिने प्रशासनले जनाएको छ ।
इन्द्रसरोवर खोलेपछि मकवानपुर जिल्लाको कुलेखानी, सिस्नेरी, बेसी इपा, धुसेलबेसी, माल्टाबेसी हुँदै बाग्मती किनारासम्ममा असर पुग्न सक्ने भिमफेदी गाउँपालिकाका अध्यक्ष हिदम लामाले बताए। सम्बन्धित क्षेत्रमा युवाहरुलाई फोन गरेर सबैलाई सुरक्षित रहन आग्रह गरिएको लामाले बताए । फोन सम्पर्क सहज नहुँदा समस्या भइरहेको उनले सुनाए ।
