रौतहट । भदौ २० गते
रौतहट जिल्लाको कटहरिया नगरपालिका अन्तर्गत माध्यमिक विधालय भसेढवामा अनलाइन कक्षा सुरु हुन लागेको हो । कोरोना भाइरस कोविड १९ का कारण गत चैत ११ गते देखि शैक्षिक गतिविधि थप रहेको कारणले विधार्थीहरुको भविष्य अन्यौलमा हुँदै गएपछि यो विधि अपनाइएको हो । यस अघि विधालयले अनलाइन कक्षा संचालन सम्बन्धी सूचना पनि निकालेको थियो । जुन भोली आइतवार देखि सुरु हुँदैछ । कोरोनाको कहरका कारण विद्यार्थीहरू मारमा परेपछि कटहरिया नगरपालिका अन्तर्गत वडा नं १ मा रहेको माध्यमिक विद्यालय भसेढवामा भोली देखि अनलाइन कक्षा सञ्चालन हुन गइरहेकोले समयमा नै सम्पर्क गर्न लाई विद्यार्थी भाईवहिन हरू लाई अनुरोध समेत गरिएको छ । सो विद्यालयमा कक्षा ९ र १० मा अध्ययनरत सम्पूर्ण छात्रछात्राहरुको बन्दाबन्दी अवस्थामा अनलाइन कक्षा संचालन २०७७ भदौ २१ गते आईतवार बिहान ११ः०० बजे देखि जुम एप द्वारा हुने विधालयका प्रधानाध्यापक सचिन्द्र प्रसाद यादवले जानकारी गराउनु भयो । सो मिटिंगको आइडी २०७३९३५८२२ र पासवर्ड एस ५५०४१२७२ रहेको श्री माध्यमिक विद्यालय भसेढवा, कटहरिया १ रौतहटले जनाएको हो । विस्तृत जानकारी को लागि सम्पर्क नम्बर ९८५५०४१२७२ मा सम्पर्क गर्नु हुन् अनुरोध गरिएको छ ।
