रौतहट। भदौ १० गते
रौतहटको बौधीमाई नगरपालिकाका श्री ओम बचत तथा ऋण सहकारी संस्था लिमिटेड बौधीमाई नगरपालिका वडा न.४ इनरवारीले सुरक्षाकर्मी तथा संचारकर्मीलाई स्वास्थ्य समाग्री बितरण गरेकाे छ । बौधीमाई नगरपालिका अन्तरगत रहेका सुरक्षामा खटिने बिभिन्न सुरक्षाकर्मी तथा सुचना प्रवाह गर्ने संचारकर्मीलाई साे संस्थाले बिश्व ब्यापी रुपमा फैलिएको कोरोना भाईरस बाट बच्नको लागि स्वास्थ्य समाग्री मास्क सेनिटाईजर र साबुन बितरण गरेका थिए । संस्थाका अध्यक्ष श्री तेजी लाल साहको अध्यक्षतामा प्रवन्ध निर्देशक मुकेश प्रसाद पटेलले वितरण गरेका थिए । यस अवसरमा ईलाका प्रहरी कार्यालय कोपवा पिपरियाका ईन्चार्ज लाई स्वास्थ्य समाग्री हस्तान्तरण गर्नु भएको हो । त्यसैगरी सशस्त्र प्रहरी बल बोडर आउट पोष्ट सरमुजवाका इस्पेक्टर किरण केसरी र प्रहरी चौकी सरमुजवाका असई संजय बोहरालाई बितरण गरेका छन । त्यस्तै रेडियो गुजरामाई एफ एम र गनपति एफ एमलाई पनि स्वास्थय समाग्री हस्तान्तरण गर्नु भएकाे हाे । बितरणको क्रममा संस्थाको तर्फबाट उपाअध्यक्ष धर्मबिर ठाकुर, कोषाअध्यक्ष सकल देब साह, ऋीण अधिकृत राजु प्रसाद साह,मार्केटिङ्ग मनोज कुमार गुप्ता र संचालक सदस्य सुनिता देवीको रोहबरमा बितरण गरिएकाे थियोे ।