रौतहट । साउन २८ गते
नेपाल सहित विश्वमा आज (अगस्ट १२ तारिख) मा अन्तर्राष्ट्रिय युवा दिवस मनाइएको छ । नेपालमा पनि ‘विश्व अभियानका लागि युवा सहभागिता स् रोजगारी प्रवर्द्धन र वातावरण संरक्षणमा युवा संलग्नता’ भन्ने नाराका साथ यो दिवस मनाउन थालिएको छ । सोही अनुसार आज रौतहटमा पनि मनाईएको हो । राष्ट्रिय युवा परिषद को बिशेष पहलमा यो कार्यक्रम भएको थियो ।
कटहरिया नगरपालिका स्थित श्री माध्यमिक विधालयको प्रांगणमा वृक्षारोपण गरि यो दिवस मनाईएको थियो । नेपाली काँग्रेस क्षेत्र नम्बर ३ का क्षेत्रीय सचिवालय सचिव गनिलाल प्रसाद यादवको नेतृत्वमा स्थानीय युवाहरूले वृक्षारोपण रोपन गरि युवा दिवस मनाएका थिए । यस अवसरमा नन्दकिशोर यादव,संजिप ,देवेन्द्र, विवेक ,
अनिल ,अनोज,विकेश ,मात्रिका सहितका युवाहरूको उपस्थिति रहेको थियोे । यस वर्ष कोरोना भाइरसका कारणले दिवस भर्चुअल रूपमा कार्यक्रम गरी मनाईएको थियो । राष्ट्रिय युवा परिषद्को आयोजनामा देश भर भर्चुअल माध्यम बाट मनाईएको थियो । दिवसकै अवसरमा युवा नेतृत्वमा विकास गर्नका लागि राष्ट्रिय परिषद्ले एक हप्तादेखि विभिन्न कार्यक्रम गर्दै आइरहेको छ ।